錦麗 (創紀之城五期(apm))

营业中

休息中

不经不觉，越南牛肉粉老店「锦丽」都已经过江接近一年。汤头几香牛味，再落九层塔、鹅蒂、青柠汁，非常清爽。要注意系河粉上碟时系黏埋一饼，唔系未煮开，只系等大家食时先拉松佢，唔怕浸得太淋，几细心。牛肉方面，个人比较钟意生牛肉片。熟牛有少少un，而牛丸我觉得好似振兴货色，所以我宁愿去振兴买返屋企煮…所以相比综合粉，我以后会选择叫生牛河。牛油鸡翼虽然卖相一般，但几抵食，算皮脆肉嫩，牛油味同蒜味好香。小米糕系香港独家小食，其实系粘米糕，上面淋左鱼露、肉松、葱花、花生碎。稍嫌鱼露多左，整体上安南比较好味（但贵一倍）。