番茄師兄

营业中

休息中

之前睇杂志介绍一路都想试下个蕃茄汤底，咁啱同同事帮公司去深水埗睇野，就行过去帮衬。我地叫左个牛牛有礼 ( 头两个字系3只牛为一个字，但系我揾极都揾唔到3只牛，唯有打一只), 慢煮麻辣鸡翼，沙爹猪腩肉，紫菜墨鱼丸，同墨鱼腐皮虾卷。蕃茄汤底香浓，同中上环某大牌档有得挥，牛系扇古牛，即系阉左既牛，牛味比较浓。麻辣瑞士鸡翼，麻辣同瑞士汁同出味，不过如果再麻啲更好。沙爹猪腩肉，其实真系唔系好识分慢煮唔慢煮既分别，但系由于我好钟意食沙爹，佢个沙爹俾我一种好浓烈既李锦记沙爹酱味。炸紫菜墨鱼丸同墨鱼虾卷就系平时去冻肉舖买黎打边边果啲。反而佢支调味麻一滴好点晴，真系坚麻。仲叫左柠檬雪梨同冷泡茶柠檬雪梨足料，但系个茶淡到同水无咩分别。以咁既价钱，食完觉得有啲贵，唔系真系果日好想食蕃茄汤底应该都唔会再食。