魚池拾捌 (已結業)

见到佢装修已经想试左好耐，平时经过又见到佢嘅珍珠系人手每日自己整，都已经好吸引。但因为一开张太多人，次次都排长龙，所以等到今时今日先试。我同朋友分别试左波霸珍珠奶茶，洛神花沙冰同埋黄金珍珠鲜奶茶。最有惊喜一定系黄金珍珠鲜奶茶，朋友系叫左微糖， 但原来黄金珍珠即系焦糖珍珠， 两者加埋就啱啱好，唔会太甜，又有少少焦糖味都真系几唔错。波霸珍珠奶茶就一般茶味唔系太浓，啲冰溶左就会冇乜味，不过珍珠都几烟韧👍🏻👍🏻至于我杯洛神花沙冰就有啲甜，我已经叫左一半糖，但都系太甜，可能系惊冰溶左之后会淡，但对于我黎讲就太甜。下次再饮我一定会拣黄金珍珠奶茶😋可惜唔记得影相，下次饮补返🤣🤣🤣