營然 (已結業)

第二次来呢度，同上次一样叫双拼饺子加个汤，不过今次拣老火汤唔拣炖汤，因为上次试过冇味。老火汤本身单点$30，但跟餐只系加$15，所以系非常抵嘅。今次点了韭菜饺拼虫草花饺(10只)，而是日老火汤系青红萝卜猪骨汤，一共$64。先饮啖汤，系非常清甜而且饮落好舒服，唔会太咸或太重味精，仲大大碗，赞 不过饺子就认真麻麻，粒粒都睇落好似几靓仔几饱满，但韭菜饺入面无乜肉而且比较重味同咸，而虫草花饺就比较干。其实上次啲饺子都一般，但好似好过今次 🤔 其实佢地仲有饭面餐，下次可能试下手撕鸡餐。