Him’s (中海日升中心) (已結業)

星期四闷闷地，又系时候同同事发掘食饭新地方，经过见到Him’s，佢既lunch set好似都几多选择所以就入去试下。坐低好多款lunch set都岩我心水，我拣左香葱炒安格斯牛肉饭，加钱配佢地出名既金装樽仔奶茶。果然冇令我失望，佢既汁配埋啲安格斯牛肉好出色，平时食得唔多既我都食晒成个饭。😋另外令我惊喜既系佢既特色樽仔奶茶，佢好的骰细细支，但茶同奶既比例调配得好好，茶味香但又唔会抢左奶既味道，两者相辅相成，黎开观塘既一定要黎试试呀！