嚐仙

营业中

休息中

呢间甜品店系嚟自台中，主打手工芋圆芋泥同埋黄金地瓜泥，咁就梗系唔好执输一人叫返一碗。我自己叫咗自选牛奶冰，里面叫咗五款配料，包括有仙草，芋圆，地瓜泥，珍珠同埋红豆。睇幅相就知道用料超多，仙草嘅口感比出边嘅比较淋，但系都仲有QQ嘅感觉，珍珠红豆同埋芋圆我觉得不过不失啦，地瓜泥反而我觉得超好食，有浓厚嘅地瓜味而且唔会太甜，反而我觉得佢嘅冰太粗糙，唔够幼细，有少少影响到成个甜品嘅口感，叫做不过不失啦！我朋友既黑糖口味同埋豆花口味我哋都话唔错，不过可能因为上一餐食得太饱太满足嘅关系，所以大家都觉得系啱啱合格啦，如果唔使大排长龙嘅话我觉得都可以试吓！