燒肉LIKE (德福廣場1期)

营业中

休息中

星期六下午三点几，见门口冇乜人就排队试下，等十分钟已可以入座。地方都几整洁，坐位傍有个篮比客人放手袋什物都几细心。叫咗“小牛排＋牛板键 200g” 两份套餐@＄128，之后再加 120g 和牛扒 ＄150。所有肉都已预先腌制腌料，味系比较重，但啱我口味，牛肉质素一般，和牛扒就麻麻比较韧，应该叫多一个套餐比较抵食，白饭分大中细三个份量可以选择，我拣咗大碗，口感唔错，沟啲枱面供应调味料，可以好快食晒一碗。一人一炉都几好玩，油烟吸落底层所以冇油烟味，呢方面令我最欣赏。唔食牛嘅话，可以选择鸡肉或者猪腩肉片，价钱亦比较经济。扫描 QR code 自己落单，埋单只收电子货币不收现金相信系大趋势。提提大家，店内没有免费茶水供应。