山系。本舍

营业中

休息中

「文青」、「打卡」已经成为咗深水埗最新特色，而且亦不只局限于Cafe，今日就试吓呢间山系。本舍手作。小店位于界限街，入面装修布局充满日系风情，而且仲用上一系列木制餐具，仲印上自家店舖名字，虽然店舖细细，但都睇得出店主为小店花咗唔少心思。餐牌选择应有尽有，菜式亦甚有特色同风格。店内同时亦供应一系列来自日本嘅饮品。而我就选择咗佢哋自家制嘅冷泡绿茶。所有饭、乌冬都会包埋两款是日前菜，今日其中一款就系我最钟意嘅凉拌茄子。茄子调味适中，而且仲有好香嘅麻油味，口感又香又滑。另一款前菜系麻酱沙律，新鲜沙律菜配上简单嘅芝麻酱就已经令人胃口大开。主食方面，我哋就俾吾卵「系」叉烧饭呢个名字吸引咗，其实正确应该系滑蛋叉烧饭至真。日式叉烧选用五花腩制作，每件都厚薄适中烧得够甘香，配合埋非常滑嘅炒蛋同葱花真系冇得输。另外我哋仲拣咗手工樱花虾酱拌手打乌冬，店员一送上餐盘喺我面前已经闻到非常扑鼻嘅樱花虾香味，原来樱花虾酱系佢哋自家制，自己新鲜炒所以特别香。乌冬够弹牙，配合唔同种类嘅菇菌，口感特别丰富。深水埗而家嘅打卡餐厅开到成行成市，竞争相当大，呢间山系定价相宜味道佳，性价比高，可以喺市场内先胜一仗。