靚煲皇 (已結業)

约左几位朋友一齐食饭打边炉, 原本谂住叫返最普通既汤底, 但侍应员介绍左个汤底比我地呢班唔系成日有汤水到肚既年青人, 咁就可以一边饮汤一边打边炉.呢个五指毛桃椰青鸡煲, 当佢一滚起, 就已经传来阵阵椰子香味, 唔打边炉都要即刻试返几碗原味鸡汤先. 清汤鸡味配上椰青，入口醇和，而且香味浓郁，嫩滑的鸡肉配上椰青既肉，好特别，好适合夏天食, 感觉无咁饱济.食完原味既汤底之后就开始打边炉, 要左细份本地手切肥牛, 牛肉鲜味有水准.黑牛柏叶爽口兼且浓郁牛味, 牛胸爽肉用汤底好快灼熟之后，肉质特别爽脆, 而且唔肥腻，口感好特别.另外仲有手打鱼滑, 爽口够弹牙, 最后配上油麦菜，再加几支啤酒，我地几个已经好满足. 呢个清淡既鸡汤，唔肥腻又滋润，真系令人回味, 下次会再黎.