Coffee Break (TKO Gateway東翼)

营业中

休息中

晚市二人餐只系$398，我同朋友食每样都大赞高质，呢个价钱又好味又饱真系好抵，真心推荐！好彩住得算近之后可以放工再黎食😚✨是日餐汤🥣是日餐汤系南瓜忌廉汤，南瓜味浓郁，好香甜又够creamy，我同朋友都大赞好饮过好多餐厅😆✨意大利火腿拼冻肉拼盘拼盘肉类份量好多，面包出边脆脆地，包体好软身香草味重。✨香煎美国安格斯肉眼扒🥩叫咗五成熟，熟度啱啱好。嚟到好香上面有香草，焗蒜同埋牛油，隔离仲有少少海盐调味，令牛扒更香，牛嘅鲜味更突出。块扒虽然比较薄，但系肉质软腍有肉汁，高质。✨野菌菠菜黑松露忌廉烩意大利饭菠菜同埋野菌份量真系好足，基本上每啖饭都配到配料😇黑松露味劲香，饭有口感唔会太淋身，加左芝士，好creamy！钟意黑松露嘅一定会觉得好好味🤤💜✨荔枝梳打甜度好适中，好解渴，啱晒啲唔钟意饮咁甜嘅人～✨夏威夷果仁鲜奶呢杯有惊喜，面头层泡好顺滑，饮落有淡淡果仁香，唔会太腻。✨Tiramisu cake摆碟有心思，个甜品几靓🥳。蛋糕体够软淋湿润，唔会太甜，咖啡味如果再浓郁啲会正啲，不过以套餐甜品黎讲我已经觉得算系几好味。