地道館車仔麵 (已結業)

寻日平平哋去食车仔面。因为好耐无食过。35蚊三个𩠌都好好ok。系张纸画好俾佢哋就得啦。两个人食既策略就系叫唔同𩠌，换来食d咁就试到好多嘢。朋友既系陈皮鱼蛋、虾条、时菜，要咗油面，麻辣汁。麻辣汁其实无咩麻辣感觉，就系得个辣字，不过d生菜吸晒d麻辣汁，又辣又好味。陈皮鱼蛋有陈皮味，但唔浓，鱼蛋细细粒，但弹牙。虾条入面有馅料又香口都好味架。我叫既系鱼皮饺、墨鱼丸、鱼片头。都系要咗油面，但要秘制汁(辣)。秘制汁系劲劲劲辣，同麻辣汁既分别就是超级辣同辣！原本无叫嘢饮，但真系辣到讲唔到嘢，迫住要叫嘢饮。而且d油面都吸晒d辣汁，每一条都好辣！食得辣既都要三思先好叫呀。墨鱼丸唔多得，腍既，一d都唔弹牙，好彩仲有墨鱼味。鱼片头外面炸到金黄好香口，不过就无鱼鲜味。鱼皮饺虽然细只咗少少，但皮薄馅靓。咬落有口感。