Epoch Bistro

营业中

休息中

平时夜晚经过知道有间新餐厅开咗, 所以专登落去试下。餐厅装修都令人感到好舒服，可能因窗门比较多可以开关，所以比较开扬及感觉冇咁局促。我地安排坐系卡位，卡位都好宽濶。我地今次叫左2人套餐（有汤、小食、意粉、主菜、甜品、饮品）。虽然餐汤比较普通罗宋汤，但小食白酒青口就有D惊喜，因份量算多及味道都几好（冇腥味），仲有5块蒜蓉饱来点D汁，其实D汁都多。蒜蓉饱又几好， 饱身较及蒜蓉味刚刚好（因好怕太硬及劲蒜蓉味）。跟住系虎虾青酱意粉，喱个意粉麻麻地，因虾唔系好新鲜及个青酱有D奇怪味。主菜系猪仔骨配薯条，猪仔骨有味既，但觉得太冧。谂唔到D薯条系即炸，所以好脆及又唔太干身，“正“呀！用薯条点埋之前青口汁㖭。最后梗系甜品churro喇，我系第一次食，未食前谂都系一般架喇，但真系又有惊喜㖞。因又系即炸，虽然配上雪糕及朱古力酱，但一D都唔甜，真系好味㖞！ 整体上都系OK既，下次可以再帮衬既小店。听经理讲下星期有新menu, 又可以再试喇。