麺屋武蔵 (已結業)

今日放假懒洋洋，放假去整甲，之后就去食个拉面做lunch啦！平日见到好多人等我都唔想食，今日冇人就试下啦，睇下有几好食先 （笑）招牌沙律，色彩丰富好新鲜嘅感觉，我被脆脆莲藕片 & 一大排嘅粟米吸引左，不过介意wasabi嘅朋友要小心，沙律汁入面有酱油+wasabi㗎 😁食拉面个汤一定要够热，呢碗白丸汤底好浓厚又够热，面质可以再弹牙多少少就好啦！果块肥肉入口即溶，好林好入味，间中邪恶一次可以，真系好肥啊 （笑）另一碗白丸同样地汤够热够浓厚，面质略嫌唔够弹牙，豚肉片好碎好碎，可接受但有进步空间，至于只蛋。。系正嘅，糖心不得了啊！个饺子可以煎得金黄d香脆d，咁卖相又会吸引d嘛，食落感觉唔够热同埋冇乜肉汁爆出黎，好劲普通啊！