京林屋 (希慎廣場)

营业中

休息中

今晚同阿妈食完饭，就带阿妈嚟呢度食甜品。因为知道阿妈钟意食抹茶，而我每一次经过哩一间食店都比佢门外嘅甜品sample 吸引，于是今次终于要来试一试。哩间食店原来唔系只得甜品架，我哋见隔离枱都有人食鳗鱼饭，阿妈就话下次可以黎试吓。阿妈拣咗林屋抹茶芭菲($88)，至于我，由于唔钟意食抹茶，所以就拣咗培茶芝士蛋糕($88)。我试咗少少阿妈嘅抹茶芭菲，果然系好苦，唔系我杯茶，不过如果真系钟意食抹茶苦味嘅人就一定会好钟意。我个培茶芝士蛋糕绝对系我杯茶，芝士蛋糕同雪糕有微微嘅培茶味，雪糕有磨碎左嘅茶叶，所以有少少口感，不过我都系钟意个蛋糕多过雪糕，可能因为蛋糕下面有曲奇饼底，哩个系我至爱😆😆。