影片
更多
2009-11-05
193 浏览
见到城市花园酒店有以西葡为主题嘅自助餐，当然把握机会啦！成日听人讲话城市花园酒店装修过之后，环境好咗好多，而佢嘅自助餐亦好好，所以我同松松熊特意山长水又远去大拆一餐。去到时觉得环境都几新净，一入到去就已经见到只风干火腿喺度喇，一路转入去就会见到冷盘，包括有虾、翡翠螺、龙虾仔、蟹脚等，而另一端就会见到鱼生，再行就可以见到cold cut同沙律，接著嚟嘅就有一啲热熏，面部，雪糕柜，生果，甜品，朱古力喷泉及其配料等等。骤眼看，可以选择嘅食物都唔少，所以即刻开动。首先第一样攞嘅系西班牙火腿，有少少失望，因为之前睇宣传介绍时，明明话星期六、日系会有Jamón Ibérico嘅，但系嚟到时就发现其实只不过系Jamón Serrano，都无办法，惟有照食。可惜嘅系食时无咗好浓兼且系Jamón Ibérico独有嘅味，只有一般嘅风干火腿味。再加上唔觉得场内有好多人选择食佢，所以未到中间部分，所以食落比较硬，又唔够滑，的确有啲失望。唔紧要啦，试吓其他。冻虾反而几好，翡翠螺都好厚肉，龙虾仔就不过不失啦！鱼生方面，最好食嘅系三文鱼，够肥又够甜，有腩嘅效果。八爪鱼都唔错，但系吞拿鱼就好一般，食唔到吞拿鱼𠮶啲甘
成日听人讲话城市花园酒店装修过之后，环境好咗好多，而佢嘅自助餐亦好好，所以我同松松熊特意山长水又远去大拆一餐。
去到时觉得环境都几新净，一入到去就已经见到只风干火腿喺度喇，一路转入去就会见到冷盘，包括有虾、翡翠螺、龙虾仔、蟹脚等，而另一端就会见到鱼生，再行就可以见到cold cut同沙律，接著嚟嘅就有一啲热熏，面部，雪糕柜，生果，甜品，朱古力喷泉及其配料等等。骤眼看，可以选择嘅食物都唔少，所以即刻开动。
首先第一样攞嘅系西班牙火腿，有少少失望，因为之前睇宣传介绍时，明明话星期六、日系会有Jamón Ibérico嘅，但系嚟到时就发现其实只不过系Jamón Serrano，都无办法，惟有照食。可惜嘅系食时无咗好浓兼且系Jamón Ibérico独有嘅味，只有一般嘅风干火腿味。再加上唔觉得场内有好多人选择食佢，所以未到中间部分，所以食落比较硬，又唔够滑，的确有啲失望。
唔紧要啦，试吓其他。冻虾反而几好，翡翠螺都好厚肉，龙虾仔就不过不失啦！鱼生方面，最好食嘅系三文鱼，够肥又够甜，有腩嘅效果。八爪鱼都唔错，但系吞拿鱼就好一般，食唔到吞拿鱼𠮶啲甘甘哋嘅味。
Cold Cut同沙律方面，唔算试咗好多，但系觉得佢嘅薄切牛扒几滑，可以一试。另外比较感到意外嘅系佢哋嘅鱼春沙律好好味，因为啲鱼春整成一粒粒细细的立方体，同啲沙律一齐食几特别。
我突登试吓佢哋嘅薯仔丝炒马介休，味道特别，马介休脆脆的，好香口。可惜嘅就系烤乳猪好似出过一只就无再出，所以我无试到。但系松松熊试过都话几嫩口，唔错。
另外，我仲攞咗一块羊肉嚟食，肉味够，又唔会太熟，所以唔会太老，唔错。
同时，成晚有两个品牌嘅雪糕供应，一个系Dreyers，另一个系Haagen-Dazs。好彩第一轮出Haagen-Dazs时，我同松松熊都有食到Strawberry味，事关第二轮再出直到完场时，已经变咗Cookies & Cream，再见唔到Strawberry味。我都有攞Cookies & Cream嚟试，但系唔知系咪之前酒店方面处理得唔系几好，搅到啲雪糕溶溶哋，所以无食到。
甜品方面，试咗西班牙炖蛋同埋葡萄牙嘅木糠布甸，两样都整得唔错。但系松松熊就稍嫌木糠布甸嘅cream同木糠比例唔系太好，若果cream多啲会好啲！
与此同时，我哋都有试佢嘅朱古力喷泉，但系当然啦，呢样嘢无好唔好食，娱乐吓自己成分居多。我第一次喺食自助餐时食刨冰，但系啲冰可能唔够冰，keep得唔耐，食到未够一半就已经溶咗一大半。
最后，成晚比你饮冲柠茶柠水，都算唔话得。
整体上，自助餐嘅食物唔错，最好嘅系当晚嚟食自助餐嘅人全部都好有秩序，绝对无争嘢嘅情况出现，就连平时极受欢迎嘅Haagen-Dazs雪糕亦都有相当嘅存货喺度，所以可以慢慢叹。唯独系由book位到现场嘅staff态度/处事方式就认真麻麻，实在有待改进。
张贴
