炳記 (已結業)

上次试过炆班尾好差后谂住唔再黎，但系朋友提议黎呢到饭局，即管试多一次啦。今次几乎叫了所有招牌菜，包括八宝鸭（要订）、糯米鸡、焗鱼肠、腊味煲仔饭、杏汁猪肺汤等等，别外叫了一些小菜。我自己唔系太钟意食鸭，但系都觉得八宝鸭唔错，鸭身炆到好软熟，里面Ｄ馅好丰富同入味，我都唔记得晒有Ｄ乜，剩系记得有莲子、栗子、江瑶柱。糯米鸡好heavy，但系Ｄ糯米索晒味，正；但鸡就稍嫌鞋口。杏汁猪肺汤Ｄ杏仁磨得唔够幼，猪肺几好几淋身，点Ｄ豉油已经好好味。焗鱼肠稍为苦一Ｄ，火侯差少少，但Ｄ蛋就仍然好嫩。全晚最正既就系煲仔饭，个个都食二碗以上，包括平时唔多食饭既我。饭粒吸收左腊味Ｄ油，再淋少少豉油，劲好食！而且份量十足，六人用既八个人都食唔晒。今次食物水准几好，对呢度重拾信心。不过以铺头仔黎讲呢度都算贵，平均要＄１５０一个人。