上海廳 (已結業)

可以再试既上海菜近年天水围愈开愈多间上海菜，间间都试哂，得呢间未试过，因为之前成日都好多人排队.。今日屋企无煮饭，终于可以同屋企人去下呢间上海厅。可能系平日同时间尚早既关系， 今日唔驶排队就入得.。餐厅坐位唔少而且几舒服，店内装潢怀旧且有心思。前菜点左四小拼，有肴肉、熏鱼、烤夫同小排骨，熏鱼同烤夫都好入味，特别系烤夫，咬落去好多汁，好好味。不过熏鱼既骨几大条，小朋友食就要小心。主菜叫左小笼包，银芽鳝糊同担担面。　小笼包上台热辣辣，小笼包皮够簿，不过入面既肉就肥左少少。重点推介银芽鳝糊，真系好好味，鳝好肥美同鲜甜，十分够味，配埋银芽唔会有太滞既感觉。担担面既拉面不错，可惜汤底略嫌太淡而且入喉偏辣。整体而言，食物味道不错而且每碟份量不少。虽然比同区上海菜价格高少少，但物有所值，可以再试。