Whiskers N Paws Cafe

营业中

休息中

其实唔话俾我听嘅话🍔🍟我会以为系真嘅🐂因为我根本食唔出😂真系冇谂过，咁偏僻嘅海怡广场，上面竟然有一层全层卖宠物用品嘅店，入边仲有一间Cafe，卖嘅都系素食，而且可以比宠物进入，眼见确实有好多主人带埋自己心爱嘅狗坐低一齐食午餐，感觉几特别。讲返环境，餐厅座位宽阔，木系设计几舒适，光线亦都好充足，舒舒服服可以坐一个下昼。餐厅比较自助，食完需要自己收拾。我叫咗一个WNP burger，卖既系impossible meat, 即系素肉，虽然系素食，但系成个汉堡咬落去嘅质感实在好似真嘅牛肉，咬落去竟然有肉汁，而且其他配料同平时既burger一样，蕃茄蔬菜好新鲜，亦配上芝士，面包好松软，薯条亦都炸得好香脆，整体成个餐就同平时喺出边嘅美式餐厅食burger一样，好Juice亦都好香，我第一次食觉得好惊喜，估唔到真系可以做得咁似，有兴趣嘅人可以嚟试吓，我的素肉完全改观了。