蜀府川鍋 (已結業)

知道油塘有一间好大间的蜀府川锅, 于是带屋企人去试吓, 向来少辣既我, 一听到麻辣火锅, 有啲却步, 点知原来可以唔太辣之余, 仲试到不同原味的新鲜海鲜,  要叫齐四人食, 好抵食呀!订咗位, 安排坐低后, 先叫小食, 有小笼包$38, 有汤汁, 连皮食不会太溜, 另外叫了驰名的四川辣椒皮蛋, 皮蛋白好唔同, 晶莹剔透的皮蛋白, 加上麻辣调味酱,皮蛋味道非常浓郁, 皮蛋黄有糖心添呀。再叫了蒜泥青瓜($28) , 好大碟呀! 到主菜喇, 一大碟海鲜盘, 再上四层锅, 杂锦海鲜拼盘($388)就系, 龙虾一只, 扇贝4只, 大蚬, 青口, 圣子, 石斑, 东风螺, 马刀贝, 顶层用来清蒸的, 呢层太细了, 只可以蒸到每次一只扇贝, 我地耐心地一只又一只咁放上去, 肉质实在感, 配上蒜容, 惹味; 之后, 再蒸龙虾, 龙虾好弹牙, 而且好多膏, 甘香㖞, 味道鲜甜,第三层, 用来烧烤及煎用, 所以点了两碟肉, 有西班牙黑豚腩, 好薄切; 仲有安格斯牛肉粒,煎耐啲迫晒啲油出来, 更有油香味, 仲叫了两个乌冬, 连汤都唔放过, 绿茶芋泥饼, 好脆口, 仲有内馅有芋泥香味, 外皮有浓浓的绿茶香味。