Cafe Fabulous

营业中

休息中

想去旺角静静地揾个地方同朋友倾吓计，就随便拣咗一间楼上Cafe。入去见到环境好阔落，可能因为下午茶时间，成间餐厅冇乜人，静静地感觉几好，餐厅嘅装修都舒服，播着音乐。叫咗全日早餐，同埋法式焦糖炖蛋，全日早餐由于冇晒茄汁豆，所以侍应特别话加多少少蘑菇俾我作补偿，侍应都几有礼貌，一举手都好快黎问我有咩需要。野食系即叫即整既，上菜见到好大份，有一条司华力肠，两只炒蛋，三份烟三文鱼，两块烟肉，两块多士，同埋半个烤番茄，烤蕃茄用咗胡椒同埋蒜蓉烤，食落几浓味，如果钟意浓味嘅人应该会几钟意。炒蛋好嫩滑，配蒜蓉多士同埋烟肉一齐食好夹，烟三文鱼好大块，配蘑菇同埋炒蛋一齐食又几好味，蘑菇炒得好香，唔会炒得好干。仲叫咗个焦糖炖蛋，焦糖烧到香脆，铺喺炖蛋上面，用匙羹食会食到一啖脆焦糖同温暖既炖蛋，食落唔会太甜，适合钟意食中等甜度既人，不过个人钟意炖蛋做得热辣辣啲。下午茶来讲，两个人食算足够，一个人食就食唔晒，大概$150到，可以俾你静静地同朋友倾计，而且任坐，有电视睇，个人认为不错。👍