MOO MOO

营业中

休息中

今日一场嚟到观塘，做完嘢之后就梗系要食返餐好啦。系OpenRice见到呢间MOOMOO都几chill咁，有户外地方坐，又可以静静地倾下计，所以一于试下佢啦。可能因为比较早6:30左右嚟到呢度，所以都冇乜人，即使我同女朋友唔食烟都可以喺户外坐得舒舒服服唔使吸二手烟味。我就叫咗个白菌之堡，个面包夹住牛肉𠮶边煎到香脆，而且个安格斯牛亦唔会煎到太干，汉堡整体味道配合得好均匀。个泰柠鸡锤畀到我意外惊喜，佢个形状唔系一般嘅鸡锤样，似系有少少将啲肉起咗，令到你更容易食。啖啖肉之余，佢仲隐约散发出阵阵嘅青柠香气，再加上炸得啱啱好，鸡肉保持肉汁，食落去都几juicy。再叫埋个沙律就更加Perfect啦。食完浓味同炸嘢，可以叫返个沙律清清口腔嘅肥腻感，再配埋醋汁绝对可以refresh 返你嘅味蕾，等你可以食再食多d嘢。佢个沙律都几新鲜配合佢酸味味嘅醋汁，我哋两个好快就食晒啦。而且个鸡扒煎得香脆又嫩滑，所以都好好食。