Outback Steakhouse (新港中心) (已結業)

星期日嘅下午去outback睇下有咩好食。呢间人唔多， 位置好阔落，两个人可以坐四人卡位。坐低冇几耐，餐牌都未睇，店员就送上黑糖面包。之后叫咗个鸡肉芝士夹饼，同埋慢煮豚肉。侍应话豚肉可以煮七成熟，我哋就试下啦。(不过我喺度谂：猪肉唔系要全熟㗎咩,可能我唔识嘢)餐汤好味道,应该系海鲜汤，味道好浓郁，好想echo。黑糖面包依旧好好味，好松软，仲可以refill，真系好抵食呀。鸡肉芝士夹饼，芝士好多，流晒出嚟。 附送嘅薯条放咗好耐，都仲系脆卜卜，同埋暖嘅，真心赞 。豚肉切开中间粉红色，唔算十分淋，啲配菜好硬， 好似生咁样。 呢个麻麻地。饮品可以refill 慢慢食冇人赶,坐咗两个钟,好舒服 。如果店员可以自动自觉斟水咁就更好啦。如果想约朋友食下饭，吹下水，呢间餐厅都系唔错嘅选择。