Meraviglia Bar e Ristorante (已結業)

今日谂住带埋狗仔去行吓同埋食午餐。其实可以带宠物嘅餐厅唔多选择，突然谂起科学园最近可以带宠物， 于是揾咗呢间餐厅又可以俾小朋友玩，又可以俾狗狗放电。先来个白酒煮大蚬配蒜蓉包，的蚬大大粒又弹牙，蒜蓉包又香口又脆卜卜。之后来个水牛芝士菠萝及意大利火腿薄饼，的芝士焗得啱啱好，一丝丝可以拉起，再配自家蕃茄酱，味道一流。最后来个意大利长通粉配秘制有机蕃茄肉茄，啱小朋友之余又健康。呢度除咗有得食，仲有小朋友玩嘅设施，大人可以一边食嘢一边倾偈，小朋友又可以一边食嘢一边玩，再加杯咖啡，真系好写意。其他亲子餐厅的食物通常都一般，但呢间啲食材真系有一定嘅水准，值得一赞！