榮昌茶座

营业中

休息中

趁今日假期可以带狗狗一齐出去玩，于是揸车黎到元朗呢个高尔夫球场附近既茶餐厅。今日天气超热，由于带左狗狗，所以只可以拣户外坐，马上叫左杯绿茶红豆冰消下暑先。见到d红豆都几大粒，煮得都几软身。但个雪糕就无乜绿茶味。再叫左个猪扒包，猪扒包𥚃面夹左d炒洋葱，但我自己本身因为唔钟意食洋葱，所以无食洋葱。个包里面块猪扒系连骨，所以食落时有d麻烦，要切走d骨先食得。略嫌个包太干身，块猪扒都算juicy唔油腻，如果个包再焗至软身会好味d。小食烟肉肠仔卷，睇落好似好heavy，加埋d茄汁一齐估唔到又几好味。烟肉表层煎到脆卜卜，包住软淋淋既肠仔，同d茄汁一齐食，酸酸甜甜，变得无咁肥腻。用餐途中见到好多主人带埋狗狗一齐，如果出外可以同狗狗一齐食饭，都系一件几咁开心既事。