影片
更多
2022-06-27
230 浏览
来了来了，近日食过好值得推荐俾大家嘅小店。👍🏻白酒牛油汁大蚬义大利粉呢度主食小编觉得几满意～大蚬干净无沙，粒粒蚬肉饱满，白酒味道已经挥发，剩下嘅牛油汁相当浓郁！估唔到用牛油做酱汁都可以做到咁杰身，仲带点奶香。意粉有嚼头，每条都挂住配搭略带甜度嘅酱，虽然大兜但系好快就忍唔住食晒！👍🏻水牛蓝芝士炸鸡翼作为鸡翼控，一碟五只$68呢个价钱相当公道，鸡翼炸得香脆可口，拌上水牛嘅微辣，蓝芝士嘅奶香，酱汁邪恶得来又非常之和谐，鸡肉亦相当juicy，外脆内嫩滑真系无得顶！👍🏻海胆忌廉饼呢个小食真系好有惊喜，好少可食海胆味嘅嘢竟然可以咁浓郁，海胆爱好者必叫！外面炸得超级香脆，内里绵滑。切开真系会流心爆馅，每一口都好似食咗用新鲜海胆打出嚟嘅酱汁咁，𠮶种甘香甜味喺口腔到回荡，真系回味无穷～👍🏻日本麻薯制窝夫饼焦糖酱配雪糕饭后必须来个甜品，见到麻薯就系首选(´▽｀)窝夫饼原来系用麻薯去压成，所以做得比较硬身，内里有层厚厚嘅忌廉，最中间仲有啲吉士酱，质地同雪糕差唔多～切起上嚟黏度唔高，又几好咬～加上豆腐味嘅雪糕同焦糖酱，食落甜丝丝的，大满足～
👍🏻白酒牛油汁大蚬义大利粉
呢度主食小编觉得几满意～大蚬干净无沙，粒粒蚬肉饱满，白酒味道已经挥发，剩下嘅牛油汁相当浓郁！估唔到用牛油做酱汁都可以做到咁杰身，仲带点奶香。意粉有嚼头，每条都挂住配搭略带甜度嘅酱，虽然大兜但系好快就忍唔住食晒！
👍🏻水牛蓝芝士炸鸡翼
作为鸡翼控，一碟五只$68呢个价钱相当公道，鸡翼炸得香脆可口，拌上水牛嘅微辣，蓝芝士嘅奶香，酱汁邪恶得来又非常之和谐，鸡肉亦相当juicy，外脆内嫩滑真系无得顶！
👍🏻海胆忌廉饼
呢个小食真系好有惊喜，好少可食海胆味嘅嘢竟然可以咁浓郁，海胆爱好者必叫！外面炸得超级香脆，内里绵滑。切开真系会流心爆馅，每一口都好似食咗用新鲜海胆打出嚟嘅酱汁咁，𠮶种甘香甜味喺口腔到回荡，真系回味无穷～
👍🏻日本麻薯制窝夫饼焦糖酱配雪糕
饭后必须来个甜品，见到麻薯就系首选(´▽｀)窝夫饼原来系用麻薯去压成，所以做得比较硬身，内里有层厚厚嘅忌廉，最中间仲有啲吉士酱，质地同雪糕差唔多～切起上嚟黏度唔高，又几好咬～加上豆腐味嘅雪糕同焦糖酱，食落甜丝丝的，大满足～
张贴
