Cowboy Seven (已結業)

经常到 The One 睇戏，都会路过呢间cafe, 但始终都没有冲动去试。今次又再经过，正想睇下有乜支装饮品，却被旁边嘅柠檬 tart 吸引左！因本人特别喜爱食柠檬 tart ！所以买了一个试！才$15 但当时只剩一个朱古力tart, 反而柠檬tart 就剩左六、七个！心谂:唔通麻麻???? D tart 上面个个都画左唔同样 ( 忘记拍照)，店员仲主动问我想要边个样！我就拣左心形眼！对于想食甜品，但又唔想食大件蛋糕，咁'lou' 嘅我, 呢个就啱晒! 讲番个 tart, 柠檬味好出, 酸酸地,一D都唔'lou'! 质地有D似new York cheese cake, 好滑。美中不足系 tart 皮好林！可能系我食惯Starbucks 嘅柠檬tart ，个D皮系硬而脆嘅！类似曲奇饼嘅感觉！所以食呢个嘅时候, 感觉硬系有D怪怪地！但整体以言我仍然觉得唔错！下次有机会会试埋佢嘅咖啡，而呢个柠檬 tart 都会再 encore!!!!!