影片
更多
2010-11-27
39 浏览
9月24日, 呀比羊瘾起~ 拉咗我去小肥羊打边炉! 呢次系我第一次食香港嘅小肥羊~ 完全唔知头唔知路… 原来任点任食嘅套餐羊肉系有限供应架!! 而另外熟食方面亦都唔喺任食单里面… 喺考虑完之后, 最后决定散叫~::: 花生 ::: $10都唔系嚟饮茶都有收呢d前菜钱… 好在d花生都几香脆好食~::: 鸳鸯汤底 (中) ::: $58中锅已经等于我地平时一家人打边炉个size. 汤底一边系麻辣另一边系药膳汤底~ 两边都好足料好够味!::: 特级羔羊肉 (方卷) ::: $88叫一碟都已经好多~ 够晒我地两个慢慢食! d羊肉都系一卷卷咁上碟, 不过可能质素无咁好, 一夹就散, 变到好碎湿湿… d羊肉又唔系好膻, 羊味亦只属一般~::: 牛骨髓 ::: $25呀比话喺之前食过牛骨髓好好食. 成条骨髓软乃乃, 呀菲第一次食! 入口好淋, 好似一条肥膏咁… 不过呢碟无乜味, 唔系好新鲜, 差d… 仲有少少腥添…::: 肥羊粉 (宽) ::: $32同深圳食嘅有少小分别… 呢度d肥羊粉好似水晶粉咁, 质地好滑, 但入口比较爽身~ 无深圳嘅咁QQ! 不过味道就两边都差唔多~::: 菜芯苗 ::: $
::: 花生 ::: $10
都唔系嚟饮茶都有收呢d前菜钱… 好在d花生都几香脆好食~
::: 鸳鸯汤底 (中) ::: $58
中锅已经等于我地平时一家人打边炉个size. 汤底一边系麻辣另一边系药膳汤底~ 两边都好足料好够味!
::: 特级羔羊肉 (方卷) ::: $88
叫一碟都已经好多~ 够晒我地两个慢慢食! d羊肉都系一卷卷咁上碟, 不过可能质素无咁好, 一夹就散, 变到好碎湿湿… d羊肉又唔系好膻, 羊味亦只属一般~
::: 牛骨髓 ::: $25
呀比话喺之前食过牛骨髓好好食. 成条骨髓软乃乃, 呀菲第一次食! 入口好淋, 好似一条肥膏咁… 不过呢碟无乜味, 唔系好新鲜, 差d… 仲有少少腥添…
::: 肥羊粉 (宽) ::: $32
同深圳食嘅有少小分别… 呢度d肥羊粉好似水晶粉咁, 质地好滑, 但入口比较爽身~ 无深圳嘅咁QQ! 不过味道就两边都差唔多~
::: 菜芯苗 ::: $22
真系菜芯苗? 粗壮得有如菜芯… 不过都几嫩~ 食落清甜无渣~ 收货啦!
::: 蒙式烤羊肉串 x2 ::: $20
好味! 孜然粉落得多¸食落有少少辣~ 但羊味十足~ 唔膻! 肉质较实但juicy~ Good!
::: 蒙古锅贴 (半打)::: $30
d锅贴好大只~ 不过冻咗… 皮都干硬咗少少. 我摆佢落个边炉度整番热佢食, 好好多! 但锅贴皮都几厚, 胜在馅料颇多~ 合格啦~
::: 羊肉包子 (2只) ::: $20
中式包皮, 味道微甜~ 内里d羊肉免治咗, 软淋淋~ 肉味几香, 可惜个包唔够热.
::: 茗茶 ::: $10@
茶都系一般酒楼质素~ 无乜特别…
入座之时大概8点都好似冇人咁, 不过到我地食完嘅时候因为撞正9点半特价任食时段, 门口已经堆满人等位! 全店都充满住一股小肥羊独有汤底味~ 虽然论质素同价钱比唔上深圳d小肥羊, 但佢比其他边炉店嘅食物更有特色, 如果唔可以北上, 呢度都可以暂时止止羊瘾嘅~
张贴
