涮香菜園

营业中

休息中

喜欢打边炉又喜辣的朋友，可以试下麻辣烫，虽然无得自己烚吓烚吓，但价钱相对无咁贵又可以食到四川风味，正是我杯茶，就门面已经见到厨柜度放咗好多蔬菜同款式比客人拣，肉类就不定时放几碟，不会放好多，确保衞生，晚餐时间去流快，不时密住见佢加嘢落个柜度，价钱都👌，蔬菜＄5~＄8，面类丶丸类＄10～＄12，迷你拼盘同肉类就＄15～＄32。由于有小朋友食，所以叫咗个厨师推介B：自选小锅米线加面底，要鲜牛肉，大大锅，差不多成个餐盘咁大，两个人食都好饱，配料就有牙菜、酸菜丶韭菜同肉碎，牛肉亦多，不会只有3丶4块，但就熟咗D，有D鞋，因为唔要辣，所以失色不小，但可以自己喺调味架配制，当然不及店员调较正宗，试下无防