Miss Saigon Vietnamese Cuisine (已結業)

第一次搭地铁过黎坚尼地城，为嘅系去朋友屋企打麻雀，雀友未放工，谂住食碗粉打个底，一出地科士街个出口，就见到 Forbes 36 大大个招牌，不过酒吧唔啱今次，留返下次，右边系日本野，又唔啱，返过去左边，有烧肉、西班牙牙同越南野，所以拣左越南野。餐厅装修简约，时间尚早（5:30pm)只有我一台客，店员推介手切牛肉汤河粉，说用鲜牛骨熬制，不加味精，咦，咁坚？即要这个！牛河上台时生肉半生熟，望落吸引，另配一篮香草，如九层塔，份量不少，够慷慨！饮啖汤先，味道唔会话超级浓郁，但有肉味，又有阵阵牛骨香气，好好饮！牛肉唔似肥牛咁多脂肪，唔会因热汤而溶左一半！牛肉味突出，有少少咬口，系我钟意的类型。河粉正常而无一旧旧。我好钟意饮汤故今餐ko 晒成碗汤，打麻雀时无话劲口渴，得㖞，有下次！