侍元

营业中

休息中

如果你好挂住日本，可以嚟呢一间位于黄大仙商场嘅拉面店。但系今晚我拣咗食乌冬，因为好挂住乌冬烟银嘅口感。我今晚拣咗嘅系糖心蛋墨鱼饼手打乌冬，样样都系我最钟意嘅材料，墨鱼饼做得非常肥厚，每一啖都会食出丰富嘅汁，墨鱼味亦突出。糖心蛋半熟嘅蛋心我嘅至爱，当然留返最后最后先食。一个乌冬未满足到我，加咗少少钱转套餐，三件肥美嘅炸鸡翼，再加一杯冰冻嘅冻柠茶，缓和返炸鸡翼嘅热气感觉。拉面店当然有好多拉面嘅选择，令我意外嘅系佢仲有免治牛肉饭，忌廉鸡皇饭，和风牛肉饭等等，种类非常多，价钱合理，真系当饭堂都得。