狂野麻神麻辣火鍋 (已結業)

入冬最开心唔系著好厚重既衫，系可以疯狂打边炉~~其实打边炉实系好肥，仲要我中意饮汤，中意食啲好吸味既野，好似冻豆腐、面、娃娃菜等～去麻神食系因为揾台湾麻辣火锅后，发现佢都几多好评，所以决定试试佢～同男朋友懒得谂，直接点左个二人餐就算，仲见到佢宜家做紧打折。其实个牛肉拼盘佢话迷你，但一拎上黎我比个份量震惊左下，结果到最后我地都真系食唔哂～但由于本人唔好牛，但都觉得好好味，好肯将我食牛既quota摆哂呢日～除左必有既丸类饺类菜类之外，好想特别讲下个海鲜拼盘，有纽西兰蛏子皇2/南非六至八头鲍鱼2/ 蕃薯蚬4/纽西兰刀贝4，真系好好好富丰，亦都好鲜甜，鲍鱼大大只最好味hahahah～个人觉得啲食材既新鲜度同诚意度十足，比麻辣汤底更出色，因为个汤底无话超惊艳～但好想下次再黎试响螺花胶鸡汤，见到其他人啲相好足料好似好补好好饮咁。