李公館

营业中

休息中

细个成日都同屋企人嚟食，一路都水准唔错。今日生日谂住好耐都冇食过，咁就带埋男朋友一齐嚟食。Book咗位，一上到去全场侍应喺度望住，冇人谂住行serve 你。 全部侍应好似NPC咁企喺度，你要自己行埋去触发任务。好啦，坐低咗之后落单。个waiter 伯伯又会落错嘢，真心冇歧视成份，但系全场都平均年龄起码65岁以上，我叫佢地又听唔到又睇唔到，喺度发吽哣。我坐喺个位度真系好无助。之后嘢食到，真系可以讲声唔好意思冇下次。叫开个几款望落去都系一样样，食落就真系第二回事。我自己觉得啦，起码唔系我印象中嘅味道。咕噜肉嚡到咬唔开，个豆腐食落口会回苦，个炒饭好似唔记得落盐唔咁。啲嘢食嘅品质完全对唔住个价钱，绝对冇下一次。