鉄火堂 (厚福街)

营业中

休息中

今日嚟到尖沙咀哩间日本丼饭餐厅。餐厅系木系居酒屋装潢，有两排二人及四人座位。餐牌～自选珍宝丼有六款唔同嘅饭可以选择，而配料可以选择八款。🔸自选珍宝丼🔺第一碗拣咗冬菇寿司饭（醋饭）、厚切三文鱼、厚切剑鱼腩、北寄贝、蟹膏、帆立贝、赤虾及海胆鱿鱼三文鱼同剑鱼腩都新鲜肥美，充满鱼油香，北寄贝爽脆，帆立贝鲜甜，赤虾弹牙，而蟹膏同海胆鱿鱼都好适合捞饭。冬菇寿司饭混合冬菇丝，口感丰富，喺出边真系好少见到～🔺第二碗拣咗姜味寿司饭（醋饭）、碎葱吞拿鱼、厚切三文鱼、厚切剑鱼腩、乌贼、北寄贝、帆立贝、马刀贝及赤虾碎葱吞拿鱼口感软绵细滑，乌贼鲜甜有嚼劲，马刀贝质感爽弹。姜味寿司饭姜味浓郁突出，啱晒爱姜人士～🫔油甘鱼手卷、大拖罗手卷两份手卷都好好食❗️油甘鱼同埋大拖罗都有两大块，油甘鱼肥美甘甜，充满油脂香，大拖罗油花散布均衡，入口即融，甘甜鲜美，真系令人相当满足。