Mango Tree Kitchen (太古城中心) (已結業)

寻日星期六下午2:40分一家三口两大一小入座，谂住食佢个afternoon tea set，另外加多一客炸鱼饼。2:45落单，当时全餐厅冇一半满。3:15都未有任何食物嚟，已经叫一名女侍应跟进，点知佢单都唔check，谂都唔谂就想求其打发我，话咩厨房一个一个跟单做。再隔十分钟，都冇任何食物嚟过，今次叫个类似经理嘅男人嚟，佢竟然话tea set啲面厨房已经一齐开始煮紧！吓，我等咗40分钟，宜家先同人哋啲食物一齐煮？宜家先开始煮啲面，咁其他食物点？果然，过多5分钟，厨房真系十几二十碗面一次过出，即系话无论你一个钟前嚟，定系五分钟前嚟，厨房都系等够单先一次过煮。哗，呢啲咩餐饮管理嚟，茶餐厅都唔会咁做😡再过多十分钟，tea set其余啲食物又系十几份一次过出😤另外额外加嘅鱼饼，分量少得惊人，一般泰国、东南亚餐厅正价嘅分量，都会有四至六件不等，但呢度得三件之余，size仲比一般餐厅食到嘅细成三分一，而餐牌系冇标明分量！好彩只系食下午茶，如果系正餐返屋企要食多碗杯面！讲真，太古城、康怡、苏豪东都仲有唔少泰国、东南亚食肆可以选择，食物质素、性价比、服务质素，一定唔会俾呢间差，所以真系好难揾到个原因会