船皇 (大埔超級城) (已結業)

今日同朋友去咗大埔咁就想食碗粉，试咗呢一间叫船王嘅餐厅，因为其实自己钟意食河粉咁就试下， 咁我同我朋友就叫咗少少嘢食:朋友叫左碗鸡丝鸡翼汤面我就叫佢个招牌船王套餐， 套餐有牛腩牛肉片鸡丝猪肉同猪肉丸， 咁我觉得都几特别啲河粉，就比较粗粗地但系都几爽滑同埋个汤底味道特别， 几有泰国风味特色嘅河粉就好似喺泰国街边食𠮶啲粉一样，但系佢亦都将个味道调教到有香港特色嘅泰国河粉，啱返我哋香港人口味。我哋除咗嗌咗啲粉之外亦都叫咗啲串烧其实每一串串烧都烧得唔错，大家可以睇下我啲相。 正所谓有图有真相。而我亦都介绍佢𠮶杯奶茶，因为佢杯奶茶 有别于香港嘅奶茶， 佢𠮶种茶味比较独特应该系用咗一啲独特嘅茶叶去冲，会比香港嘅奶茶会浓少少味， 所以我觉得佢杯奶茶系几值得试下嘅。最后如果大家行开新界呢一头嘅话你又想食碗河粉又或者饮杯奶茶，大家可以试下船王因佢有别于出面嘅泰国河粉而我都几钟意佢个种独特嘅汤底同茶味。