影片
更多
2023-03-12
5245 浏览
好味指数😋😋😋回头指数 ⭐️⭐️开心指数🤗🤗🤗朋友话呢间嘅片皮鸭劲出名，好想嚟食，仲要好难订位，一个月前就要订，只鸭唔订亦都冇得食，讲到好夸张咁，有幸朋友已经安排好晒！🍴传统北京烤填鸭（$938/一只三食）本身一只鸭一食系$688，二食（生菜片鸭松 +$178），三食（绍菜豆腐鸭骨汤，每位 +$65），以佢呢个价格设定，应该 either 叫一食，或者直接叫三食，应该唔会叫二食啦！一食包括1️⃣鸭胸皮 2️⃣鸭胸肉 3️⃣连皮鸭腿肉，每样有一碟，份量都算几多，连两笼薄饼。1️⃣鸭胸皮一丁点肉同肥膏都冇，刀功唔错，只沾白砂糖食，一入口非常酥脆，鸭味好香，成件事都几邪恶，但又忍唔住想食多几片，呢个真心好食！2️⃣鸭胸肉系纯肉，都几厚肉，唔算太干，个人觉得唔沾酱食就冇咩味3️⃣连皮鸭腿会肥美少少，两样都系加埋大蒜、青瓜、黄面酱用薄饼夹住食。二食系生菜片鸭松，佢用咗切细粒嘅大豆芽菜一齐炒，令鸭松嘅口感更加丰富，呢个都唔错！三食系绍菜豆腐鸭骨汤，honestly 如果呢碗汤收$65 一位，我就真心想投诉！虽然叫得三食其实预咗二 ＆ 三食都系整好装俾你，装到咩俾你系讲运气，因为每台都会叫鸭食，然而我觉得5星级酒店入面嘅中餐厅
回头指数 ⭐️⭐️
开心指数🤗🤗🤗
朋友话呢间嘅片皮鸭劲出名，好想嚟食，仲要好难订位，一个月前就要订，只鸭唔订亦都冇得食，讲到好夸张咁，有幸朋友已经安排好晒！
🍴传统北京烤填鸭（$938/一只三食）
本身一只鸭一食系$688，二食（生菜片鸭松 +$178），三食（绍菜豆腐鸭骨汤，每位 +$65），以佢呢个价格设定，应该 either 叫一食，或者直接叫三食，应该唔会叫二食啦！
一食包括1️⃣鸭胸皮 2️⃣鸭胸肉 3️⃣连皮鸭腿肉，每样有一碟，份量都算几多，连两笼薄饼。
1️⃣鸭胸皮一丁点肉同肥膏都冇，刀功唔错，只沾白砂糖食，一入口非常酥脆，鸭味好香，成件事都几邪恶，但又忍唔住想食多几片，呢个真心好食！
2️⃣鸭胸肉系纯肉，都几厚肉，唔算太干，个人觉得唔沾酱食就冇咩味3️⃣连皮鸭腿会肥美少少，两样都系加埋大蒜、青瓜、黄面酱用薄饼夹住食。
二食系生菜片鸭松，佢用咗切细粒嘅大豆芽菜一齐炒，令鸭松嘅口感更加丰富，呢个都唔错！
三食系绍菜豆腐鸭骨汤，honestly 如果呢碗汤收$65 一位，我就真心想投诉！虽然叫得三食其实预咗二 ＆ 三食都系整好装俾你，装到咩俾你系讲运气，因为每台都会叫鸭食，然而我觉得5星级酒店入面嘅中餐厅，装个汤都俾少少心机丫，我𠮶碗得绍菜两片、豆腐碎一粒（一只手指尾指甲咁大粒），而朋友嘅有绍菜、豆腐粒同埋腐皮，个汤唔太有鸭味，我觉得好似有少少药材味，问职员系咪有落药材，个职员话问下厨房之后冇再回头。
🍴野生椒香茅生啫白鳝（$338）上台时非常热辣辣，热到一路仲煮紧白鳝，夹慢少少旧鳝都会煮到㶶㶶哋，系几惹味，不过野生椒嘅辣味有少少盖过咗白鳝嘅肥美鱼油味，味道上少少失咗平衡。
野生椒香茅生啫白鳝
$338
16 浏览
0 赞好
0 留言
呢个见到个combination 觉得好有趣，嚟到卖相好靓，雪葩嘅话梅味酸酸甜甜，再有淡淡嘅花雕味透出嚟，估唔到个味咁夹，上面嘅芝麻脆脆都好好食，呢个推介要试吓！
花雕话梅雪葩
$45
6 浏览
0 赞好
0 留言
张贴
