NACASA Café & Bar (已結業)

Bookmark咗呢间cafe好耐，放假就同朋友嚟试吓。平日1点几嚟到，都好多人㖞，果然系人气cafe店。Cafe装修风格系行摩洛哥风，但食物选择都系一般大路嘢，有担心过会唔会净系可以打卡🤓但小薯比较着重味道，好彩味道好ok🥹主食叫咗和牛汉堡配薯条（$138）同温泉蛋卡邦尼意大利粉（$138），两个味道都好好。块牛多汁又嫩，配埋酸瓜同番茄同菜，口感同味道层次提升咗，中和返牛嘅浓味，薯条好脆，份量足。试咗朋友少少嘅意粉，相当creamy，够晒入味。跟餐附送饮品，叫咗latte但转涷饮同oat milk，要分别加$3同$8。都叫咗热jasmine tea。无咩特别。味道其实好ok，但意粉价格有啲进取。最后仲叫埋甜品，Honey Cake同earl grey roll cake，错别都系$62。Honey cake对我嚟讲太甜，不过几有层次嘅，Roll cake都ok。同样地，价格有啲太高。