韓樂 (TKO Gateway西翼)

营业中

休息中

今日去将军澳食午餐，等人等到下午茶时段先食到，见到呢间韩国餐厅可以小一半价钱食到个小型芝士炸鸡，就入去试下，环境同座位都几好，大咖位坐到6个人，我叫咗一口芝士炸鸡，朋友各叫鲜茄焗猪扒饭同一口炸鸡汤粉丝，当然，大家分享嚟食，先讲自己个芝士炸鸡，芝士味浓，有小小甜味，鸡炸得脆囗，芝士都拉到丝，一次过满足到食芝士同炸鸡的愿望，当然，只可当小吃，但不可当午餐，所以可以优惠价加钱追加小食；薯条或鸡亦2只，我拣咗薯条，又粗又脆～另外鲜茄焗猪排饭，份量较小，男仔食要叫午餐份量或者叫两份先够饱，猪扒唔会干争争，满满鲜茄同芝士喺面，加埋真珍珠米，好开胃，而最后个一口炸鸡汤粉丝都唔错，两样食物分开上，不是一碗过，影响两者味道，炸鸡系酸甜味，虽然有汁，但完全无影响个脆度。个汤好饮～系猪骨汤，配料丰富，有菜，有甘笋，洋葱同京葱，最得意系加咗D奇阿籽落去，好健康，本来食炸鸡好热气，加埋个汤粉丝，中和返晒，另外D咖哩餐同炒粉丝都多人食，餐牌都有好多食物选择，路过可以一试，近大门口好就脚，一落电梯就见。