孖寶去骨海南雞 (Go Go Mall)

营业中

休息中

今日又去屯门练箭，练习前都揾d野食下，呢间孖宝海南鸡好耐之前都试过唔错，今日又黎食佢啦。店面细细，得几张枱一眼望晒，人多时会比较迫d，今日中午1点左右黎都唔算好多人，但都有几枱食客，地方细细就唔方便影个环境啦。坐底后都睇下餐牌，除左海南鸡都仲有其他饭餐，价钱都系5-60蚊左右，不过都无包饮品，如加饮品就加6蚊，都合理。去骨口水鸡饭（中）饭有得拣大或中，价钱差10蚊，由于不是太肚饿所以就拣个中size，黎到饭量就约1个饭碗左右，唔太肚饿当茶餐食都ok，先讲讲饭可拣白饭同油饭，我就拣油饭，佢地都系我钟意既黄姜饭，黄姜味少少唔太浓，饭既质量偏硬身少少，我个人就ok，好过食湿饭，口水鸡都系用返去骨海南鸡，辣汁同鸡系分开上，鸡俾左脾位都几滑，鸡皮都爽口系差咁d啫喱，辣汁就少少酸辣同平时食开既口水鸡辣汁有分别，都缺咁d花生香，我个人如果当海南鸡点酸辣汁食系ok既，但如果一心想食正式既口水鸡个感觉就会差d。冻柠茶跟餐加6蚊，叫左少甜但都朗偏甜dd，如果无少甜可能会更甜，要留意下，茶味轻微，冻饮水准普通无特别出色。整体黎讲海南鸡小店质素都叫唔错，价钱都算合理，行开附近想食海南鸡我都会再食。