舞鶴

营业中

休息中

我见到我有一班朋友成日嚟呢度食omakase, 其实一早想试嘅啦，咁啱朋友讲起于是就决定黎会一会dee哥（主厨）。我omakase 嚟讲呢度唔算贵，$1300-1500 左右一位。有大约八款刺身八款寿司。但其实我食到尾段已经叫停😂因为真系好饱。呢度嘅鱼质素的确好，够新鲜, dee 哥嘅份量好大方，佢份人又好nice 会同你讲解好多鱼嘅知识。我系平时都唔多食红肉鱼ga, 所以我嘅selection 系白肉为主。成餐饭都好满意，最后甜品系日本香印青提，超大串好好食。质素高又性价比高，难怪有咁多熟客啦。