和平餐室 (禾輋廣場)

营业中

休息中

今日去咗禾𪨶邨商场帮啲细路买校服，顺便梗系去𠮶度揾食啦，𠮶度出名食肆多，都真系花都眼乱，见到有一间门口比较大，装修几特别，挂咗好多砧板系个墙壁上，仲有旧式街市档的灯饰，望下个餐牌，原来食物以茶餐厅为主，我同两个师奶，就入咗去试吓啦！一踏入门口，就有个着住制服嘅姐姐问我地几位，个阿姐见到我哋有个细路，就安排左一个卡位俾我哋，四个人坐都几松动！我哋睇下个餐牌，发现都有好多种类，先叫咗一个厨师煮意的「粒粒黑白浸时菜」，原来即系金银蛋时菜，个服务员就问我地要咩菜，佢就推介左今日最新鲜嘅白菜俾我哋，出嚟个卖相唔错，三色蛋切成粒粒，好啱送饭，菜汤又清甜，比起炒菜冇咁油腻，好啱夏天食！今次我最想推介系呢一个XO酱虾米肉松炒粉丝，炒粉丝唔系周围都有得食，粉丝上枱时，已经闻到阵阵的XO酱香味，睇落去就色香味俱全，粉丝食落去仲有黏口嘅感觉，味道比起炒面更出，值得一试，但粉丝太索油，如果一个人食，可能就比较饱肚！我哋仲叫左碟叉烧油鸡，烧味味道唔错，我地就估系自家制，埋单时，我就问带位个阿姐，佢话厨房系有烧炉，烧味每天新鲜制造！如果第日去开果头，都会考虑下买啲叉烧返屋企做𩠌！