影片
更多
2022-07-12
127 浏览
好耐冇嚟过三圣食嘢啦，同老公拣咗呢间，差唔多20:00嚟到里面坐满晒人🫣职员话外面有位，咁我哋就坐外面，虽然系夜晚但系都好热，但见到坐外面嘅都好多人，咁就算啦，心谂咁多人食，应该都唔会差嘅。我哋叫咗菠萝咕噜肉（我见呢个好多人食）豉椒炒蚬、椒盐鲍鱼同埋腐乳通菜。先讲菠萝咕噜肉，咕噜肉炸到外脆内软，好香口，甜酸度啱啱好，而且菠萝🍍好有诚意，用新鲜菠萝，切完重摆得好靓，用火烧过更加香甜多汁。豉椒炒蚬呢个好有镬气，炒得好好👍🏻唔会炒到啲肉甩晒出嚟，蚬肉冇沙而且非常新鲜。椒盐鲍鱼，完全过晒口瘾，非常香口，炸粉唔会太厚，薄薄一层上面铺满椒盐，非常惹味，鲍鱼唔靭，好食😋腐乳通菜好大碟，我哋两个人食唔晒，可能我哋加咗个饭🤣 个饭要讲一讲，系我钟意食嘅软硬度，非常烟靭有咬口，粒粒分明，我成日觉得食海鲜小菜𠮶碗饭好紧要🤭总结整体都唔错，但下次一定要坐室内，夏天冷气真系好重要🤣好彩叫咗两支青岛🍻🍻如果唔系真系会溶咗💦
我哋叫咗菠萝咕噜肉（我见呢个好多人食）
豉椒炒蚬、椒盐鲍鱼同埋腐乳通菜。
先讲菠萝咕噜肉，咕噜肉炸到外脆内软，好香口，甜酸度啱啱好，而且菠萝🍍好有诚意，用新鲜菠萝，切完重摆得好靓，用火烧过更加香甜多汁。
豉椒炒蚬呢个好有镬气，炒得好好👍🏻唔会炒到啲肉甩晒出嚟，蚬肉冇沙而且非常新鲜。
椒盐鲍鱼，完全过晒口瘾，非常香口，炸粉唔会太厚，薄薄一层上面铺满椒盐，非常惹味，鲍鱼唔靭，好食😋
腐乳通菜好大碟，我哋两个人食唔晒，可能我哋加咗个饭🤣 个饭要讲一讲，系我钟意食嘅软硬度，非常烟靭有咬口，粒粒分明，我成日觉得食海鲜小菜𠮶碗饭好紧要🤭
总结整体都唔错，但下次一定要坐室内，夏天冷气真系好重要🤣好彩叫咗两支青岛🍻🍻如果唔系真系会溶咗💦
张贴
