大戶屋 (已結業)

今次是第二次帮衬 大户屋 － 荔枝角店，我们喜欢它食物不错，又有儿童餐（重点），很适合我这家庭来吃，而且这分店人流少些唔洗等，可以列为饭堂之选～这里的日式定食份量很丰富，首先是爸爸点的冷乌冬拼炸鸡扒饭套餐，爸爸都食唔哂，份量好充足呀！炸鸡扒很松脆，冷乌冬又弹牙，我都好想食！阿仔的儿童餐 － 乌冬拼牛肉薯饼，两仔爷都好中意食乌冬，而且大户屋的乌冬又真系几好食，系手打feel既，好弹牙又唔粉，阿仔食哂成碗乌冬，证明好好味！儿童餐还有小礼物送，分男／女仔玩具，阿仔收到车仔，感到店员很细心～这块牛肉薯饼阿仔都食哂！佢人仔细细但越来越大食！牛肉薯饼还配一个酱汁，仔话好好味，我没吃不知有几好味了，总之小朋友啱食！而且薯饼是鲜炸，切开时还出哂烟，好新鲜呀！最后一份 泡菜猪肉锅 是我的了！汤底真好味！起初谂住食唔哂，点知食食下自己一个食哂成锅！内有滑滑的豆腐、日式猪肉片、泡菜、韮菜和半生熟蛋一只。豆腐真滑漏，唯猪肉片有些过肥，我唔太中意食肥膏。。。日本饭又是令人增胃口的，整个定食都很不错！小结：之前到太古城大户屋都好想试下，但次次去到都好多人排，荔枝角店位置较静，食客都是住附近的居民多，连续几枱都是带