5% Cafe

营业中

休息中

上到楼上，发现应该系一间boardgame cafe嘅概念，有好多桌上游戏可以借，几适合周末同朋友一齐嚟消遣。呢到唔似其他boardgame cafe得好少嘢食嘢饮嘅选择，但都以窝夫为主。我哋叫咗一个套餐，套餐价可以包一杯42蚊楼下嘅饮品，我哋加钱叫咗最受欢迎嘅雪梨桂花茶，清香淡雅，有淡淡嘅甜味，微酸，可以解腻，同时非常之refreshing同清新。最开心系叫呢啲花茶可能无限refill，可以饮完再饮🤭又可以坐得耐啲。跟餐叫咗个焗刁草芝士汁烟三文鱼珍珠带子意粉，份量十足，好多粒珍珠带子，真系做到啖啖都有。芝士汁口感creamy，每啖都有汁，唔会太干，烟三文鱼都毫不吝啬，咸度适宜。黑松露野菌窝夫薄饼，口感几特别，松化得嚟唔会𠝹口，有厚实嘅口感，黑松露味亦都好出好浓郁，窝夫底比冇平时嘅格仔饼咁甜，所以都好适合黑松露酱嘅咸味，同时带出少少蛋香。