雞功房 (禧利街)

营业中

休息中

一向重口味嘅我，对于呢间客家菜好满意。菜胆云吞鸡汤面，汤底浓郁，云吞爽口弹牙，好有家嘅味道，份量亦都十足。招牌头抽酱油鸡配客家黄酒鸡汤，加咗个虾头油樱花虾捞面。呢个真系不得了，啲鸡好滑，加上甜豉油，好好味，个捞面都系甜甜地，份量好大份，觉得漏的话可以加上佢自制嘅辣菜甫，令到成个味道都升华。美中不足就系个黄酒鸡汤，因为本人好钟意饮黄酒鸡，就觉得佢呢个鸡汤唔够甜唔够浓，可能对其他人嚟讲就啱啱好。另外再嗌咗个麻油海蜇，海蜇都好爽脆，净系落咗麻油，觉得单调咗少少，如果加少少辣同埋醋会更加惹味。整体嚟讲嘢食味道很不错，份量十足，会再返嚟。