漁正居酒屋

营业中

休息中

有时候有啲料理食多咗难免会觉得腻，但系日式料理反而一直都系我嘅世一，所以揾到一间好食嘅日本餐厅对我嚟讲好紧要～今次呢间居酒屋嘅食物质素认真唔错 ˃̵͈̑ᴗ˂̵͈̑ 以后又多咗个地方可以同朋友一路食日本嘢一路打趸啦˶‾᷄ꈊ‾᷅˵✎ 店长刺身拼盘(特上)食材包括北海道海胆、三块吞拿鱼腩、三块八爪鱼、两条牡丹虾、两块鲜帆立贝、三块油甘鱼、一块活赤贝同埋一杯三文鱼籽。整体嚟讲全部都好鲜甜；八爪鱼同活赤贝爽口；吞拿鱼腩、帆立贝同牡丹虾口感软腍，入口即融嘅感觉，岀色；最值得一提嘅系三文鱼籽鲜甜得嚟只系带少少咸味，唔系𠮶种好咸食多咗要饮水𠮶种感觉，食多啲都得～✎ 三文鱼鱼生饭 三文鱼鲜甜、入口即融，饭粒粒分明，少少酸，食落好开胃。✎ 黑酱油叉烧拉面黑酱油味超浓，食耐咗唔会有种腻嘅感觉，饮晒成碗汤都得～面软硬度适中，叉烧一半肥膏一半肉，入口即融但唔会太有肥腻感，而且散发出浓郁叉烧味，好食！✎ 田乐豆腐 一咬就有汁爆出嚟，好鲜๑˃́ꇴ˂̀๑表皮炸到脆，入面软身，另外仲淋咗甜甜哋嘅酱系豆腐表面，惹味！✎ 蒲烧鳗鱼 有4块鳗鱼。几滑嫩，冇乜骨咁，同样一入口就融化嘅口感，鳗鱼酱既味几浓，几好食，呢个位系成碟菜式嘅精髓，加咗唔少