合十 (已結業)

今日嚟到观塘合十呢间楼上cafe食下午茶 呢度有室外位同室内位 虽然而家天气都算热 但坐室外位因为有遮阴同风扇 所以坐落都唔会唔舒服 而且唔少人仲带埋狗仔上嚟㖭 泰式生虾 - 泰式生虾佢跟嘅酱系带少少香叶味既汁 而唔系一般食嘅酸辣汁 生虾新鲜够冻 食落去都仲系爽同鲜甜 加埋蒜片同埋酱汁食都几好味巴马火腿虾球扁意粉 - 大片嘅巴马火腿 几只好大只弹牙爽口既大虾 加埋芦笋辣椒粒炒香好惹味 而且意粉炒得干身爽口唔会过淋多一士不如少一士 - 系士多啤梨乳酪沙冰 我叫咗小甜 士多啤梨味唔会系化学怪味 乳酪味都几出 几好饮蓝蓝天空高挂我的梦 - 呢杯系男朋友叫嘅 带少少椰子香嘅沙冰 口感顺滑特浓咖啡配心太软伴云呢拿雪糕 - 平时食心太软最惊好甜 但系呢度嘅心太软系配埋特浓咖啡 按自己嘅口味选择份量淋上面 可以中和到心太软嘅甜度 食得多都唔会觉得太腻 而且呢度嘅云呢拿雪糕系Movenpick 非常滑