影片
更多
2024-09-24
1544 浏览
平日喺屋企附近食烧肉，揾到间平贵皆宜嘅好选择。“EaT烧肉”同而家好多一人烧肉店类似，EaT烧肉都系以个人set为主。不过佢就唔系得个平字。首先佢环境企理好多，其次佢有专用UFO将成个set运到，非常好玩。玩还玩，我都系着重食物本身先…宫崎和牛 (A5肩胛肉眼心/A5上等牛肩胛/A5肩胛翼板) 100g - $178一次过可以试到三种A5和牛。其实食得A5，三种肉都非常出色。当中”肩胛翼板”油脂感最重，食完系会令人感动，系真正有高级烧肉嘅感觉。宫崎A5牛肉关西寿喜烧 120g - $238叫寿喜烧嘅话，店员会将烧烤炉换成锅。我哋可以玩关东或者关西寿喜烧 (佢有提供两种唔同嘅寿喜烧汁)。成个set一共有四大件，入口即溶兼足够大啖，感动程度，无需多讲😌。水冷面 (餐转) +$32 呢个嚟自静冈水冷面真系有惊喜。尤其食完油份好高嘅和牛之后，食返个清爽、酸甜兼弹牙嘅水冷面，连同西瓜同其他配菜，系会令人精神为止一振！青梅酒 $58 梅酒嘅果味酸度平衡，饮落舒服，正好用嚟解腻。焙茶奶冻 $22抹茶奶冻 $22呢两个一定要讲，因为实在太得意。两个奶冻喺度郁吓郁吓咁😂 食落Q弹，焙茶嘅味道几浓，表现比
“EaT烧肉”
同而家好多一人烧肉店类似，EaT烧肉都系以个人set为主。不过佢就唔系得个平字。首先佢环境企理好多，其次佢有专用UFO将成个set运到，非常好玩。玩还玩，我都系着重食物本身先…
宫崎和牛 (A5肩胛肉眼心/A5上等牛肩胛/A5肩胛翼板) 100g - $178
一次过可以试到三种A5和牛。其实食得A5，三种肉都非常出色。当中”肩胛翼板”油脂感最重，食完系会令人感动，系真正有高级烧肉嘅感觉。
宫崎A5牛肉关西寿喜烧 120g - $238
叫寿喜烧嘅话，店员会将烧烤炉换成锅。我哋可以玩关东或者关西寿喜烧 (佢有提供两种唔同嘅寿喜烧汁)。成个set一共有四大件，入口即溶兼足够大啖，感动程度，无需多讲😌。
水冷面 (餐转) +$32
呢个嚟自静冈水冷面真系有惊喜。尤其食完油份好高嘅和牛之后，食返个清爽、酸甜兼弹牙嘅水冷面，连同西瓜同其他配菜，系会令人精神为止一振！
青梅酒 $58
梅酒嘅果味酸度平衡，饮落舒服，正好用嚟解腻。
焙茶奶冻 $22
抹茶奶冻 $22
呢两个一定要讲，因为实在太得意。两个奶冻喺度郁吓郁吓咁😂 食落Q弹，焙茶嘅味道几浓，表现比抹茶好，不过抹茶其实都不错。
虽然佢有好多入门嘅烧肉set ，但其实以佢嘅干净、好玩程度同服务水平，佢系比较接近中价烧肉店。今日一试佢嘅和牛、水冷面同甜品等等，全部都交到货有余。无论budget多少，都可以嚟多啲。
张贴
