點點心點心專門店 (已搬遷) 新店位置

今日同妈妈去海港城果边买野，两个人都行到累啦，就唔想返屋企煮饭，阿妈就话想去饮茶食点心，就淋起之前杂志有介绍过嘅点点心呢间点心店，就行过去试下。呢间点心店品种都算多，脆皮鲜虾卷，外面果层面粉炸得好脆，入边包住满满嘅虾肉，虽然炸过，但都有保留左虾嘅鲜味，食得好虾好新鲜。蟹籽烧卖，味道算可以，无惊喜但都算出品唔错，算足料，上层铺左一层蟹籽，内层包住都算多虾肉。每次去饮茶都会点虾饺，呢个虾饺都算可以，皮薄馅多，虾肉新鲜弹牙，唔错。牛肝菌花菇包，个样好可爱，小朋友就最中意了，食落都算几得下，馅几好味。流沙猪仔包，性价比比较高嘅一款点心，而且好得意，流沙做得好好食，咸甜适宜，又好食又好睇，下次要带个小朋友过嚟，等距食得开心。