Terrace in seaside (MOKO新世紀廣場)

营业中

休息中

今日同朋友去咗一間韓式餐廳食飯🇰🇷，一search就見到原來依間餐廳都有幾多分店，裝修環境都好chill🌱，好有一種relax嘅感覺。坐落咗冇耐，店員都比咗兩小碟前菜(醃蘿蔔、辣拌荀)。-🍴玫瑰醬炸豬扒扁意粉🍝($98)玫瑰醬睇落好吸引，顏色好靚，食落會係有少少韓式辣醬味，但因為有奶同茄汁嘅成份，所以都唔會好辣。豬扒🥩炸得啱啱好，唔會好柴，炸衣唔會好厚，脆卜卜！點埋玫瑰醬一齊食，好正！-🍴濟州柑橘乳酪🍊($68)見到個外型都幾特別，有成個橙放係個杯上面🤣。飲品底部會有啲柑橘粒，證明係真材實料！味道上，柑橘嘅香味🍊同乳酪融合得好好，好夾，帶啲fresh嚟，又飲到乳酪味！唔怪之得咁受歡迎🤩！